Te Rangitaki Whakamutunga o te Tau

Tēnā koutou e te whānau,

Anei te rangitaki whakamutunga o te tau mō Te Pihinga me Te Mātātupu. He maha ngā akoranga i tēnei tau, ko tētehi akoranga hirahira rawa atu, ko te aroha tētehi ki tētehi ahakoa te aha.

Kia haumaru ngā hararei, kia koakoa ngā ngākau, kia kaha ki te kawe i tō whakapūmautanga ki te ao.

Ngā Iwi 3.7

Kia rongo te tamaiti ki te rekareka o te Whänau mo ana mahi pai, ki te papouri hoki o te Whänau mo ana mahi he. Ko tenei te timatanga o te pupuri i te tamaiti ki te huarahi tika, me tona tu pakari i roto i tona iwi.

Te Tino Uaratanga 6.1
Kia mau, kia noho whakaaraara, noho koi te hinengaro o te tamaiti ki ngā matau katoa hei arahi i a ia i roto i te ao hou.

Ngā Iwi 5.10

He mea tino nui te wāhi ako hei whakaohooho i te wairua o te tamaiti ki āna mahi whakaako. Nō reira, kia kikii tonu te kura i ngā mea whakaihiihi i a ia, i ngā mea pupuri hoki i te hā o te ao Māori. Me whakawhānui hoki tōna wāhi ako ki ngā marae, ki ngā ngahere, ki waenga parae, ki te taha moana, ki ngā wharepukapuka, whare taonga me ērā atu whare whāngai i te puna o te mōhio.

Te Tino Uaratanga

6.1 Kia mau, kia noho whakaaraara, noho koi te hinengaro o te tamaiti ki ngā matau katoa hei arahi i a ia i roto i te ao hou.
6.2 Kia toa ia ki te whakarongo, ki te whakaaro, ki te kōrero, ki te pānui, ki te tuhi i roto i te reo Māori i roto i te reo o Tauiwi hoki.
6.3 Kia tupu ngā āhuatanga tuku iho o tōna pūmanawa ki ngā tihi teitei o te taumata.

Ope Tauā

Te Aho Matua, Āhuatanga Ako 5.8

Ko roto i tona ake hunuku te timatanga o te whānaungatanga o te tamaiti, ara, ki ona tungane/tuahine, tuakana/teina. Ano, kei roto i tona hunuku tona rongo ki ngä tikanga tika e pa ana ki ngä pakeke me ngä kohungahunga. Me haere ano hoki enei tuahua i roto i te kura. Kia mohio ai ngä tamariki taipakeke ki te tiaki i ngä kohungahunga, kia whakarongo hoki ngä kohungahunga ki ngä tamariki taipakeke.

E rere tonu ana ngā mihi ki ngā toa o te wāhanga, arā, ko Manatū tēnā, ko Pouakai te toa o te tau!!!

Te Tino Uaratanga 6.12
Kia tu pakari, tū rangatira ia hei raukura mō tōna iwi.

Kia mau ki tō whakapūmautanga mō ake tonu atu!!

Te Reo 2.4

I runga i tēnei whakaaro, kia tere pakari ai te reo o ngā tamariki, me whakahaere ngā mahi katoa o te kura i roto i te reo Māori. Tae atu ki te hunga kuhu mai ki roto i te kura, me kōrero Māori katoa, i ngā wa katoa.