Ki te whei ao, ki te ao marama!
Te Ao Ko tōna ake kāinga te ao tuatahi me te kura timatanga o te tamaiti. Tua atu o tēnei ko te ao Māori. Mā te Kura Kaupapa Māori ia e arahi i roto i ēnei nekeneke tae noa ki tōna kura whakamutunga, ara, ki te ao whānui me ōna āhuatanga katoa. Te Noho Whakamoho Ao I te noho tātou ki te kāinga mō ngā wiki e 2. He rangitaki tēnei ki te whakaatu i ngā mahi o Te Pihinga, Te Mātātupu me te kura whānui hoki. Te Ira Tangata 1.1 No ngaā Rangi Tūhāhā te wairua o te tangata. I tōna whakairatanga ka hono te wairua me te tinana o te tangata. I tērā wā tonu ka tau tōna mauri, tōna tapu, tōna wehi, tona iho matua, tōna mana, tōna ihi, tōna whatumanawa, tōna hinengaro, tōna auahatanga, tōna ngākau, tōna pūmanawa. Nā ka tupu ngātahi te wairua me te tinana i roto i te kōpū o te whaea, whānau noa. Karakia Ka karakia tahi te kura katoa i te 10 karaka i te ata. Mā Pāpā Ru...